टी एन एस इंडिया फाउंडेशन मुंबई अंतर्गत डॉ. विखे पाटील आयटीआय मध्ये इलेक्ट्रिकल व्हेईकलचे प्रशिक्षण सुरू
नगर - डॉक्टर विठ्ठलराव विखे पाटील आयटीआय एमआयडीसी अहिल्यानगर या संस्थेचा टीएनएस इंडिया फाउंडेशन सोबत विद्यार्थ्यांच्या गुणवत्ता वाढीसाठी सामंजस्य करार झाला आहे. टी एन एस इंडिया फाउंडेशन कॅम्पस टू इंडस्ट्रियल कॅरियर्स प्रोग्राम द्वारे तरुणांना चांगले कॅरिअर पर्याय निवडण्यासाठी आणि एक मजबूत कॅरिअर मार्ग तयार करण्यासाठी परिवर्तन कार्यबल तयारी कौशल्य प्रशिक्षण प्रदान करते ,आयटीआय विद्यार्थ्यांच्या वाढत्या गरजांना तोंड देणे ,मुलाखतीची तयारी वाढवणे आणि त्यात सुधारणा करणे हा या कार्यक्रमाचा उद्देश आहे.
अंतिम वर्षाच्या आयटीआय विद्यार्थ्यांसाठी रोजगार क्षमता प्रशिक्षण कार्यक्रम, अंतर्गत कॅरियर,कौन्सिलिंग सत्रे आणि नोकरीच्या ठिकाणी नियुक्ती संदर्भात मार्गदर्शन करतात व त्याचे आयोजन करतात. यामध्ये 200 तासाचे सॉफ्ट स्किल्स व ग्रीन स्किल प्रशिक्षण विद्यार्थ्यांना विनामूल्य दिले जाते.
डॉक्टर विठ्ठलराव विखे पाटील आयटीआय एमआयडीसी अहिल्यानगर या संस्थेतील विद्यार्थ्यांचे.सॉफ्ट स्किल डेव्हलपमेंट यामध्ये विद्यार्थ्यांचे वैयक्तिक आणि व्यावसायिक परिणामकारकता वाढवणे ,स्वतःची जागरूकता आणि शिकवण्याचे वातावरण निर्माण करणे, सामाजिक विचार आणि टिकाऊपणा निर्माण करणे तसेच कॅरिअरची तयारी करून घेणे, मुलाखत आणि कामाची तयारी, प्रभावी संवाद इत्यादी झाले असून.
ग्रीन स्किल अंतर्गत इलेक्ट्रिकल व्हेईकलचे ट्रेनिंग किटवर हँडस- ऑन प्रशिक्षण चालू आहे अशी माहिती संस्थेचे प्राचार्य ए. व्ही. सूर्यवंशी यांनी दिली.
विद्यार्थ्यांना दिल्या जाणार्‍या हँड्स - ऑन प्रशिक्षण मध्ये इलेक्ट्रिक वाहन निर्मिती संदर्भात ,बॅटरी ,इलेक्ट्रिक मोटार, ईव्ही चाचणी आणि सिम्युलेटर, एत नियंत्रक आणि समस्या निवारण याबाबत प्रशिक्षण दिले जाते. यामुळे विद्यार्थी उद्योग संबंधित कौशल्यांनी सुसज्ज होऊन त्यांना आजच्या स्पर्धात्मक नोकरीच्या बाजारपेठेत यशस्वी कॅरिअर साठी तयारी करून घेता येते.
आजच्या धावपळीच्या युगात पर्यावरणाचे संरक्षण आणि प्रदूषण कमी करणे यासारख्या समस्यांसमोर आपण उभे आहोत अशा स्थितीत इलेक्ट्रिक वाहने ही काळाची गरज बनत चालली आहे पारंपारिक इंधनाने चालणार्‍या वाहनाने होणारे प्रदूषण कमी करण्यासाठी प्रदूषण मुक्त शहर, इंधनाचा खर्च कमी करण्यासाठी इलेक्ट्रिक वाहने ही गरज बनत चालली आहे. आयटीआयच्या विद्यार्थ्यांच्या सर्वांगीण विकासासाठी विखे पाटील फाउंडेशन नेहमी तत्पर असते . ग्रुप इस्ट्रक्टर काकडे सर, पठारे सर,भुसे सर व आयटीआय मधील सर्व शिक्षक वृंद यांचे संस्थेचे चेअरमन व जलसंपदा मंत्री नामदार राधाकृष्ण विखे पाटील माजी खासदार आणि संस्थेचे मुख्य कार्यकारी अधिकारी डॉक्टर सुजय विखे पाटील डायरेक्टर जनरल पी.एम गायकवाड, डायरेक्टर सुनील कल्हापुरे आणि डायरेक्टर डॉ. अभिजीत दिवटे, यांनी सर्वांचे अभिनंदन केले.
Post a Comment